德國餐廳 (博文街) (已結業)

有朋友係大角咀住, 上去玩B仔玩到佢訓著左後, 佢媽咪就猶如放監咁話同我地宵夜~ 佢話食過德國餐廳既豬手, 覺得唔錯, 個度既氣氛又好岩吹水, 咁就依間啦! 去到都幾多人下, 加上鋪頭唔算大, 所以都要等一張台先入得!見menu有咸蛋黃豬手, 好似好正咁叫一個試下先~ 再叫多兩個野食share, 雖然只係宵夜, 唔係太肚餓, 但都係叫返人頭咁多樣野食好似會好d~本身我地都想啤啤去嫁, 但人地媽咪仲餵緊人奶, 所以廢事飲啤酒~ 咁佢唔飲, 我地飲, 都好冇道義!? 所以我地捱義氣, 清水豬手吹水!3款野食入面我覺得有兩款都好好味, 咁當然要話比大家知有幾好食啦~1. 香蔥芝士薄餅 ($88): 佢係墨西哥式既薄餅, 比較簡單, 但就更容易食到食材既香味~ 入而既芝士香得黎又唔會覺得好漏~最特別係D蔥味真係好香, 加埋一齊就意想不到地好味!2. 咸蛋黃咸豬手 ($248): 依個又係傑作~ 咸蛋黃醬夠哂咸香, 口感好似食緊咸蛋黃咁沙沙地, 但又唔會太濃令到炸豬手變到好漏, 唔錯而咸豬手真係勁脆卜卜, 皮下脂肪唔多, 所以唔會覺得好油膩~而佢地既咸豬手, 仲切好哂一舊舊整整齊齊咁, 好賞心悅