影片
更多
2019-01-30
58 瀏覽
早排我老友話去飲啤酒，我沒有多問，一口就應承佢了。佢話佢屋企附近有間幾唔錯既酒吧有得食咸豬手，帶我去試下。我遲左少少，入到去就見到平時食醉雞都臉紅既佢，竟然飲了一大杯hoegaarden了。咁我都立即睇下有咩野飲先：餐牌上面都有好多款酒，估唔到，竟然，仲有芝士奶蓋！！！不得不讚呢間德國餐廳十分貼地，相信一家大細來食都會好happy，不過，我係來同我老友飲酒的，就叫左杯stella先我望下周圍環境，雖然唔算大，但燈光少少暗，播下音樂，感覺仲cosy，然後我望下牆上面的掛畫同poster，有d德國野，有d啤酒咁，都幾有格調架。點知竟然比我見到右面有張tarkovsky既poster...tarkovsky，俄國導演來架喎，放張solaris的post係呢間德國酒吧，係咪想講呢間餐廳對客人來講，係另一個星球，會帶來另一種感覺？鏡頭一轉我就同我老友繼續飲野，佢已經飲了兩杯，但都仲未出過聲。我就好似tarkovsky的長鏡頭咁，淨係望住我老友，望左10分鐘，看到佢表面ok，但隱含住一絲憂傷。我話，不如叫d野食啦，一睇，都幾抵喎！呢個餐真係好抵，400蚊唔洗就有豬手、香腸拼盤同nachos！不過佢
佢話佢屋企附近有間幾唔錯既酒吧有得食咸豬手，帶我去試下。
我遲左少少，入到去就見到平時食醉雞都臉紅既佢，竟然飲了一大杯hoegaarden了。咁我都立即睇下有咩野飲先：
餐牌上面都有好多款酒，估唔到，竟然，仲有
芝士奶蓋！！！不得不讚呢間德國餐廳十分貼地，相信一家大細來食都會好happy，
不過，我係來同我老友飲酒的，就叫左杯stella先
我望下周圍環境，雖然唔算大，但燈光少少暗，播下音樂，感覺仲cosy，然後我望下牆上面的掛畫同poster，
有d德國野，有d啤酒咁，都幾有格調架。點知竟然比我見到右面有張tarkovsky既poster...
tarkovsky，俄國導演來架喎，放張solaris的post係呢間德國酒吧，係咪想講呢間餐廳對客人來講，係另一個星球，會帶來另一種感覺？
鏡頭一轉我就同我老友繼續飲野，佢已經飲了兩杯，但都仲未出過聲。
我就好似tarkovsky的長鏡頭咁，淨係望住我老友，望左10分鐘，
看到佢表面ok，但隱含住一絲憂傷。
我話，不如叫d野食啦，一睇，都幾抵喎！
呢個餐真係好抵，400蚊唔洗就有豬手、香腸拼盤同nachos！不過佢就話唔太餓咁我地就散叫算，我地都係環保之人盡量唔會做成浪費。
咁我地就叫左個德國超級香腸拼盤
白香腸同法蘭克福腸水準不錯，大大條，而且肉味好香，啖啖肉而且配上薯角同酸菜，不得不承認呢度的酸菜幾好食，係令呢個拼盤點睛的元素
我老友基本上只食了白香腸，可能他好掛住慕尼黑吧。
佢又話唔餓，點知食得多過我，我地就再追加一份咸豬手。
份咸豬手都好大份，呢個價錢真係唔知間鋪點維生，塊皮好脆下，咬落去脆仆仆既聲，
就好似你係無人的森林入面踩左一塊失去水份的枯葉咁，
肉嫩，唔似其他地方有時d肉會老
如果我仲食得落的話，會order多三份！
食到咁上下，我老友終於出聲，然後我望住佢像solaris星球上的人類一樣迷妄既神情，講：
德國腸都有成1500種啦，食死一條白香腸，好聽d就叫長情，唔好聽就叫
再唔啱既，轉下口味食豬手囉，你想偏門d既，叫隻豬手，但淨係食酸菜都冇問題架。
2019年了，農歷新年都就到，唔好再沉溺了係條白香腸度了。
希望我老友會ok吧。
如果唔ok，再來飲過吧，因為都真係好食又抵食！
張貼
