滷金歲月 (衙前圍道) (已結業)

太耐冇去汕頭食嘢，咁岩行過九龍城，就入去呢間滷水鋪試下。坐低見到有嗰套餐叫「茶膳燉湯套餐」，覺得幾得意，於是就叫咗個「茉莉花茶燉湯套餐」試下，然後再選滷腩肉、滷鵝腸、滷大腸。嗰湯見到有茉莉花瓣，飲落有淡淡茉莉花味，唔錯。而嗰滷水幾好，幾有滷味但唔會好咸，而啲腩肉、鵝腸、大腸滷嘅時間岩岩好，幾入味，整體味道有驚喜。而個辣椒油，如果食到辣，真係要試下，點大腸一流。最後，應該真係冇落味精，因為全程都冇口渴、想飲水嘅感覺。唯一不足係始終肉多，如果有杯熱茶解解膩就正。