影片
更多
2023-10-03
154 瀏覽
。O小姐。觀塘工業區食堂。日常。同舊同事約咗好耐嘅飯局，終於成行！首先黎呢間餐廳都唔係容易，地鐵站出咗之後向觀塘廣場方向行，跟住轉入去東廣場嗰邊一路向前行行到去工業大廈門口，仲要再轉入，因為佢係喺工業大廈入面過咗消防門再入😳好神秘！入到去，門面都唔錯喎，都幾靚仔，好彩我哋有預先訂位😀如果唔係Walk in又要等一段時間。由於其中一位朋友仲病緊，所以我哋就冇嗌到炸物，我哋先叫咗蟹肉牛油果他他，啲蟹肉都幾紮實。跟住仲叫咗個白酒忌廉煮紐西蘭青口，仲有配埋法包，呢個好食，好creamy，好多青口，大推！跟住仲叫咗個西班牙海鮮燴飯，雖然佢寫係二人份量，但係其實係超多😳我哋三條友都食唔晒！好足料，嗰飯唔會好淋，海鮮好多！最鍾意食蝦🙆🏻♀️飲品方面，叫咗個芒果菠蘿沙冰，幾好飲喎，又唔會太水，啱晒熱辣辣嘅天氣，同行有人就嗌咗杯朱古力， 個拉花幾靚😆甜品方面，本來想叫朱古力類，不過賣晒，最後叫咗個伯爵茶珍珠疏附你班戟pancake，本身對伯爵茶有寄予厚望嘅，不過配埋珍珠之後呢，感覺一般，珍珠好硬，嚴格嚟講係唔好食，好似夾硬放落去咁🙈總括嚟講，佢嘅咸食係可以嘅，甜品就一般般，可能我哋冇叫啱佢嘅signat
同舊同事約咗好耐嘅飯局，終於成行！
首先黎呢間餐廳都唔係容易，地鐵站出咗之後向觀塘廣場方向行，跟住轉入去東廣場嗰邊一路向前行行到去工業大廈門口，仲要再轉入，因為佢係喺工業大廈入面過咗消防門再入😳好神秘！
入到去，門面都唔錯喎，都幾靚仔，好彩我哋有預先訂位😀如果唔係Walk in又要等一段時間。
由於其中一位朋友仲病緊，所以我哋就冇嗌到炸物，我哋先叫咗蟹肉牛油果他他，啲蟹肉都幾紮實。
2 瀏覽
0 讚好
0 留言
跟住仲叫咗個白酒忌廉煮紐西蘭青口，仲有配埋法包，呢個好食，好creamy，好多青口，大推！
白汁忌廉青口
1 瀏覽
0 讚好
0 留言
1 瀏覽
1 讚好
0 留言
跟住仲叫咗個西班牙海鮮燴飯，雖然佢寫係二人份量，但係其實係超多😳我哋三條友都食唔晒！好足料，嗰飯唔會好淋，海鮮好多！最鍾意食蝦🙆🏻♀️
西班牙海鮮炒飯
3 瀏覽
0 讚好
0 留言
飲品方面，叫咗個芒果菠蘿沙冰，幾好飲喎，又唔會太水，啱晒熱辣辣嘅天氣，同行有人就嗌咗杯朱古力， 個拉花幾靚😆
芒果菠蘿沙冰
1 瀏覽
0 讚好
0 留言
甜品方面，本來想叫朱古力類，不過賣晒，最後叫咗個伯爵茶珍珠疏附你班戟pancake，本身對伯爵茶有寄予厚望嘅，不過配埋珍珠之後呢，感覺一般，珍珠好硬，嚴格嚟講係唔好食，好似夾硬放落去咁🙈
總括嚟講，佢嘅咸食係可以嘅，甜品就一般般，可能我哋冇叫啱佢嘅signature掛😅
埋單每人二百零蚊， $300有找，可以，或者可能下次午餐嘅時候嚟幫襯吓，睇吓會唔會有唔同嘅感覺。
下一餐去邊度食好？
伯爵茶珍珠疏乎厘班戟
17 瀏覽
0 讚好
0 留言
張貼
