影片
更多
2014-12-13
3985 瀏覽
食完午餐打底，再帶肥髀食hightea(因為淨食呢個hightea套餐會唔夠飽 ）一向對Mr Steak有信心，自助餐比好多酒店好！所以之前團購一出hightea就買了套餐！今日肥髀放早，想同佢食，但個電話一直唔通，我要遲一個站落車！親身去門口訂位！門口位置個經理好好笑容！訂位好爽快！之後接了肥髀放學！食少許嘢打底再返來！都係經理帶位！店位於銅鑼灣食街，店外有戶外位置，不過天氣凍，我又唔鍾意吹住風食嘢！（好快凍晒）所以都係室內穩定啲！一入門口見到聖誕節薑餅屋！肥髀鍾意到唔捨得行開！室內設計好型格！傢俬餐具都好潮（不過張櫈好難移動，又重又無手挽）因為未到下午茶時間，經理問我攞咗團購劵之後，比杯水叫我坐下！睇下出面風景！時間好快過！三點鐘，經理親自攞個三層塔上菜！三層架簡約！食物以咸點為主！我們由底層食起！底層：香瓜火腿、海蝦木瓜莎莎意大利包、飛魚子煙三文魚沙律香瓜火腿：火腿咸香，但較韌，哈蜜瓜甜蜜！海蝦木瓜莎莎意大利包：海蝦爽口但無乜味，木瓜莎莎蓉好甜，意大利包比較乾！飛魚子煙三文魚沙律：好細兜，份量少，飛魚子卜卜脆，脆青瓜絲加煙韌煙三文魚！好食！中層：和牛漢堡、鵝肝漢堡、焗英倫蟹肉盅
三點鐘，經理親自攞個三層塔上菜！三層架簡約！食物以咸點為主！我們由底層食起！
底層：香瓜火腿、海蝦木瓜莎莎意大利包、飛魚子煙三文魚沙律
香瓜火腿：火腿咸香，但較韌，哈蜜瓜甜蜜！
海蝦木瓜莎莎意大利包：海蝦爽口但無乜味，木瓜莎莎蓉好甜，意大利包比較乾！
飛魚子煙三文魚沙律：好細兜，份量少，飛魚子卜卜脆，脆青瓜絲加煙韌煙三文魚！好食！
中層：和牛漢堡、鵝肝漢堡、焗英倫蟹肉盅
和牛漢堡：厚牛肉味重但較乾，麵包鬆軟！
鵝肝漢堡：鵝肝係Mr Steak強項，煎得外脆，中間充滿油香，好味！
焗英倫蟹肉盅：熱食，面有蟹肉芝士，下面嘅薯蓉先驚喜，又香又滑！
頂層：鮮草莓撻、芒果朱古力杯、3.6北海道牛乳布甸
鮮草莓撻：撻底脆口，吉士醬配爽新鮮士多啤梨好味！
芒果朱古力杯：芒果肉甜，朱古力杯香滑！
牛乳布甸：牛奶味香濃，布甸香滑！
熱檸茶：我已經食到中段先叫，賣相好精緻，一啖就無，唔夠喉！加上今日天氣凍，所以凍得好快！
其實呢個hightea以咸點為主，嗜甜點嘅肥髀就唔係咁興奮！不過所有店員都好nice, 地方又舒服，所以我就好滿意！ 咁嘅價錢享受到嘅質素！只需要埋單比多$20！
張貼
