本場

營業中

休息中

上品牛肩胛放題，113品料理，牛肉都有5款，加上豬頸肉同蜜糖豚肉腸，另外仲有前菜，小食，野菜，主食，甜品，飲品，一個價錢食到不同食物，淨係頭盤都有6款，認真之抵！牛肉品種唔差，好似網燒一口牛就夠晒大粒，牛肉肉質柔韌有質感；頂級肩脊肉肉質相當細嫩，富含油花，油香滿分，香味四散；牛腹腹就靠近肚既位置，所含油脂豐富，油花層次分明，牛味甚為濃郁(⁎⁍̴̛ᴗ⁍̴̛⁎)而豬頸肉亦係估唔到咁出色，肥美富油香，肉質嫩滑有彈性，肉香十足，蜜糖豚肉腸既肉質都好好架，肉味重，燒到咁上下點啲蜜糖就更香更好食(´▽｀)仲有唔同既小食呢，好似男爵薯餅咁，炸到香甜香脆，口感味道都無可挑剔(^з^)