品香樓中西風味餐廳

營業中

休息中

難得唔洗OT,收工就約埋女友去品香樓食飯。到既時候係七點左右，岩岩好唔洗等位，仲有卡位坐黎到就梗係要飲佢招牌既凍朱古力啦，但係我呢排肥左，所以我就冇叫喇。我最鍾意食呢到既風沙雞同椒鹽九肚魚，但係今次想試下其他菜式，最後就叫左黃金蝦，南乳雞翼 同埋 芝士肉碎西蘭花。大食既我倆都差d食唔哂黃金蝦有好香既咸蛋黃味，份量都幾多，推介！南乳雞翼炸得幾香唔會太咸，相信會係配啤酒既佳餚。唯一可能可以改進既係個芝士汁，由於女友喜歡食芝士既關系，佢就覺得個汁冇乜芝士味。但係對於麻麻地芝士既我黎講就覺得唔錯喇。整體黎講，我地都十分滿足，食物都係有水凖既つづく。