The Madhouse CWB | Taproom • Kitchen (已結業)

之前喺旺角嘅細舖頭食過，原來佢喺銅鑼灣都開咗分店，而且空間感更加大！而家仲有好多聖誕擺設！👍🏻墨墨卷可以揀烤豬或者烤雞，小編當晚揀咗豬肉。上枱嘅時候有一個熱鍋裝着滿滿嘅豚肉，另外配上三塊嘅玉米卷，可以自己再加上蕃茄莎莎或者酸忌廉，加配炒得香口嘅洋蔥、同三色椒，味道不俗。👍🏻秘製醬燒河豚乾每次飲啤酒必點嘅小食，燒得有少少炭火嘅香氣，帶點嚼勁，點上沙律醬，滋味無比。👍🏻踢屁股雞翼一款秘製脆炸雞加上蜜糖芥末醬，外皮薄脆，內裏Juicy，完全係飲酒嘅佐食。👍🏻紅肉柚子鳳尾蝦沙律食咁多煎炸，需要來返點清新。紅肉柚子清甜，鳳尾蝦彈牙但略嫌有少少乾身，但配上新鮮嘅沙律菜不失為一個好好既前菜，為一頓飯墊一墊肚。至於去到呢間舖頭最出名嘅手工啤酒方面，梗係一人叫返一杯啦！Sour punch橙紅色嘅酒，顏色來得奪目又吸引， 呢款屬於酸啤嘅一種，但係入口唔會太嗆，麥味唔係好重。Sleight of hand 餐廳近日最新引進嘅款式，酒精只有0.5%，入口麥香好重，少量微甘，但係酒水入口非常順滑。