麵屋一燈 (已結業)

很久沒有和老公拍拖外出食嘢，今次我哋去咗位於尖沙咀海運大廈嘅『麵屋一燈』食 lunch 。這裏有落地玻璃對住海邊，令光線好充足，地方好開揚，感覺好舒服，我同老公都覺得店員服務態度好，老公食特製醬油拉麵，我食特製濃厚魚介沾面，我地都覺得好好食。特製醬油拉麵醬油湯底濃郁，幼細拉麵彈牙，低溫慢煮的雞肉和叉燒各兩片，肉質嫩滑，份量足夠，溏心蛋好入味，好有蛋味，非常美味。特製濃厚魚介沾面 沾汁是魚介湯味道濃厚，配上櫻花蝦辣粉， 十分惹味，粗麵條沾上湯汁，特別滋味，麵條彈牙，又夠咬口，沾汁內有雞肉丸，亦很美味，同樣配上低溫慢煮的雞肉和叉燒肉，食完麵條之後，可以加入魚介清湯飲埋碗湯，並且可以叫店員幫忙翻熱， 熱騰騰真係好美味，另我愈飲愈想飲。另外額外點了香酥雞軟骨，量夠大份，好香口亦有口感，最後來一杯常溫烏龍茶，即時消滯不少。