影片
更多
2019-07-10
296 瀏覽
以前做女成日飲阿媽靚湯，宜家結左婚搬左出去，一年都無煲一次湯。最近朋友介紹左呢間湯舖，話又抵又健康，就帶埋媽媽去試下。店員哥哥好好人，熱情介紹餐廳的賣點，湯水全部清水原盅燉，無添加。他介紹話，店舖今年4月開張，堂食僅佔業務一部分，因為外賣生意急升，尖沙嘴及尖東都可免費外送。今次同媽媽點左2款湯同2個迷你飯，姬松茸響螺燉唐排同花膠燉雞。飯則有青瓜炒牛肉飯，蜜糖雞翼飯。姬松茸響螺燉唐排好清甜，飲得出材料放得好足，就算唔落鹽都好夠味。花膠燉雞的花膠超大片，起碼有6片，好養顏啊。湯裡還看到有雞肉，唐排，瑤柱同金華火腿，食材好豐富!價錢亦都好抵，一盅湯55元，有14款選擇，加5蚊就多個飯。雖然個飯份量看似不多，不過飲曬湯，食埋湯渣同飯，已經十分飽。而且迷你飯好好食，青瓜炒牛肉有屋企feel，蜜糖雞翼香脆又甜蜜。好岩打工仔，抵食又健康。連我媽媽都對餐廳出品高度評價!
以前做女成日飲阿媽靚湯，宜家結左婚搬左出去，一年都無煲一次湯。
最近朋友介紹左呢間湯舖，話又抵又健康，就帶埋媽媽去試下。
店員哥哥好好人，熱情介紹餐廳的賣點，湯水全部清水原盅燉，無添加。他介紹話，店舖今年4月開張，堂食僅佔業務一部分，因為外賣生意急升，尖沙嘴及尖東都可免費外送。
今次同媽媽點左2款湯同2個迷你飯，姬松茸響螺燉唐排同花膠燉雞。飯則有青瓜炒牛肉飯，蜜糖雞翼飯。
姬松茸響螺燉唐排好清甜，飲得出材料放得好足，就算唔落鹽都好夠味。
花膠燉雞的花膠超大片，起碼有6片，好養顏啊。湯裡還看到有雞肉，唐排，瑤柱同金華火腿，食材好豐富!
價錢亦都好抵，一盅湯55元，有14款選擇，加5蚊就多個飯。雖然個飯份量看似不多，不過飲曬湯，食埋湯渣同飯，已經十分飽。而且迷你飯好好食，青瓜炒牛肉有屋企feel，蜜糖雞翼香脆又甜蜜。好岩打工仔，抵食又健康。
連我媽媽都對餐廳出品高度評價!
張貼
