品臻 (海庭道) (已結業)

朋友屋企樓下開咗間連鎖台式店「品臻。茶」唔止有台式飲品 仲有台灣芋圓添🤤咁耐無去台灣 真係好懷念 朋友都推薦我去試下～🥡黑糖綜合豆花可以選擇三款配料 我選擇咗嫩仙草、九份芋圓、鮮芋頭 好大碗 底層係熱熱的豆花 滑滑嫩嫩 上面舖咗嫩仙草 好滑溜 芋圓好香 咬落去煙韌軟糯 嚼得起勁 鮮芋頭大大舊 又粉又香～加咗黑糖底 都唔會覺得太甜🥡椒鹽花枝丸即炸花枝丸 熱辣辣 加咗椒鹽粉調味 好惹味呢～🥤黑糖小芋圓鮮奶順便試埋小芋圓先 奶味香濃 加上黑糖好配搭 小芋圓同芋圓一樣軟糯～🥤水蜜桃乳酸好適合夏天的飲品 酸酸地桃味 清新開胃嘅感覺