鳳凰茶苑 (已結業)

之前提過家中女皇中意茗茶，個日放半晝就約左佢係尖沙咀等，帶佢去嘆茶順便兩母女可以靜靜地傾下心事呢度係樓上舖，環境清幽雅緻，裝修富有中國傳統色彩！閒適既感覺正正同外面人來人住既市區有好大對比~~咁舒適既環境的確好適合放鬆心情咁茗茶見到有個二人set，既有女皇中意既大紅袍，又有我中意既花茶，店員仲好好咁俾我將玫瑰/菊花轉做茉莉花，咁就一於要佢啦每一張檯已經會有齊茶具同泡茶工具店員告知大紅袍分為“風、“雅”、“頌”三種，我地呢款“雅”係比較清香易入口，而大紅袍多數會用上紫砂茶壺黎沖泡而我既茉莉花茶就會多用陶瓷茶壺每個套餐亦會附上一份茶點：當中有曲奇、果仁同乾果店員仲好好咁為我地示範一次沖泡既程序大紅袍的確入口香醇，茶香醇厚！之後我亦都彷照店員泡上茉莉花茶，茉莉花既清又香，喝上一口已嚐到當中既清脫之感除左可賣上茶葉回家自行品茗之外，呢度亦有各款茶具可以選購如果對茶藝有興趣既話，呢度仲有提供唔同既工作坊同茶聚活動