梁山泊日本料理 (已結業)

睇到一間好好地既食肆比人彈到一文不值, 我要為佢平反。首先, 食日本野新鮮度好重要, 但係亦要視乎你肯付出幾多錢。有好多人永遠都想用最少錢以換取最大既口感, 呢個想法係錯得好離譜。你冇可能要求用$50去食一塊$100既大拖羅, 你比咁多錢出黎, 人地比番咁既質素野你係好正常。我每次去到都會去刺身吧個位, 同個師傅打聲招呼。再問佢「今日有冇咩好介紹, 盡管囉黎」之後再同佢講幾多位食, 個師父自然會將新鮮野比你試。價錢唔係問題, 最大問題係我食得過唔過癮。如果真係要就住就住咁食, 就唔該唔好彈三彈四。至於熟食方面我亦唔覺得話差到唔食得落口, 畢竟一間餐廳總有長短處。你不可能去到一間專食海鮮既地方要求食肉類料理同樣出色。總結來講, 本人認為此食肆雖未能滿分, 但亦是水準以上。