大喜屋 (已結業)

好耐冇食個放題，突然間想食，即刻就諗起大喜屋😝刺身質素有保證，夠新鮮一開始梗係食下刺身先，最正我覺得都係三文魚，勁厚切，肥美鮮甜🥰😍我一個人都食咗十塊🤣油甘魚都好正，質感爽滑😝八爪魚都彈牙🐙跟住就叫左好多次海膽同埋蟹膏手卷，飯唔會好多，可以狂食，海膽creamy，唔腥☺️鰻魚卷都唔錯😝😝熟食都有唔少選擇，芝麻雞翼真係超好食，香口嫩滑漲卜卜😋😋❤️❤️❤️勁推介羊扒❤️❤️❤️好腍身，燒得啱啱好，不會過鹹，食落好惹味，是日必點啊😍其他小食、沙律、鍋類質素都好好，辣酒煮螺都俾貨，大大舊，個酒可以再辣d😝天婦羅熱辣辣，夠香口😄蕃茄沙律同埋蟹子沙律都好新鮮，解下膩☺️牛油粟米都食咗兩兜添🤣最後唔少得甜品，雪糕限定左一人一杯，我叫左沖繩海鹽雪糕🍦鹹鹹地嘅牛奶味，越食越好味😝呢度嘅嘢食選擇都好多，下次我再想食放題我都會揀返呢度☺️