影片
更多
2019-10-04
56 瀏覽
我哋兩公婆好少食西餐，今日喺沙田唔知食乜好老公話不如試吓呢間啦，上網睇原來係A1集團，之前好鍾意食（但而家執咗）嘅沙田Balencia都係佢地嘅，所以俾次機會希望食得番Balencia嘅味道。原來又唔錯喎！我地大約7點左右入座，店內都坐滿咗8成。晚飯時段Menu有兩種，一個係二人Set Dinner,另一個就係a la cart。我哋揀咗二人Set，再加一份小食，因為咁樣點會比a la cart抵少少。首先前菜有兩個面包、甘筍湯同埋沙律，我開頭仲以為是日餐湯會係罐頭湯，點知個湯幾好飲喎，濃度適中，飲到少少甘筍蓉係入面但又唔會杰到難入口。面包應該係用番A1嘅面包，好鬆軟香口😋可惜無帶阿女嚟，如果唔係佢一定搶住食。沙律細細碗但用料都唔差，有我鍾意食嘅rocket leaves。之後嚟嘅係小食，我地點咗意式青醬煮原隻青口配薯條。唔好睇佢細細兜但係青口有16隻左右，其實幾抵食。重點係，個青醬好香口，有淡淡牛油蒜香，我地食完仲諗住留起個青醬陣間撈飯食😂不過青口上碟時就唔係太夠熱，如果熱啲會更加好味之後上主菜啦，先嚟嘅係香煎鵝肝意式燴飯。鵝肝Size啱啱好，因為食得多會好膩，入口好濃油香味，配埋飯
晚飯時段Menu有兩種，一個係二人Set Dinner,另一個就係a la cart。我哋揀咗二人Set，再加一份小食，因為咁樣點會比a la cart抵少少。
首先前菜有兩個面包、甘筍湯同埋沙律，我開頭仲以為是日餐湯會係罐頭湯，點知個湯幾好飲喎，濃度適中，飲到少少甘筍蓉係入面但又唔會杰到難入口。面包應該係用番A1嘅面包，好鬆軟香口😋可惜無帶阿女嚟，如果唔係佢一定搶住食。沙律細細碗但用料都唔差，有我鍾意食嘅rocket leaves。
甘筍湯配麵包
14 瀏覽
0 讚好
0 留言
之後嚟嘅係小食，我地點咗意式青醬煮原隻青口配薯條。唔好睇佢細細兜但係青口有16隻左右，其實幾抵食。重點係，個青醬好香口，有淡淡牛油蒜香，我地食完仲諗住留起個青醬陣間撈飯食😂不過青口上碟時就唔係太夠熱，如果熱啲會更加好味
意式青醬煮原隻青口配薯條
14 瀏覽
0 讚好
0 留言
之後上主菜啦，先嚟嘅係香煎鵝肝意式燴飯。鵝肝Size啱啱好，因為食得多會好膩，入口好濃油香味，配埋飯上面的芝士味道好夾。然後就係慢煮黑毛豬，因為佢慢煮嘅關係會比較似你，不過都值得等嘅。因為咁大塊豬扒真係一啲都唔韌唔會有鞋口感，而且肥膏位置仲可以完整咁保留。對於我呢啲鍾意食肥膩野嘅人，嗰塊豬油入口即溶真係冇得頂，不過罪惡感都加倍😂黑毛豬調味偏淡，但就可以保持豬肉的原汁原味。
香煎鵝肝意式燴飯
4 瀏覽
0 讚好
0 留言
慢煮依莉比亞阿黑毛豬安
8 瀏覽
0 讚好
0 留言
最後我地點埋餐飲，侍應哥哥話我地個餐仲有甜品，甜品係雀巢雪糕。或者可以加$10要Movenpick雪糕。不過我哋真係食得好飽啦，最後都冇食到甜品就埋單啦。
張貼
