影片
更多
2022-10-04
140 瀏覽
海言廚師發辦魚生飯(特上) $430+10%前菜：茶碗蒸蒸蛋嫩滑，味道咸淡適中，入面嘅配料有雞肉、冬菇、枝豆、銀杏、蟹肉，最尾食舊蟹肉配蛋真係非常鮮甜。沙律醬汁非常開胃，酸甜適中，蔬菜都爽甜，插響蛋上面嘅薄脆非常香口，蕃茄清甜，我唔太鐘意食蕃茄都覺得好食。雞蛋比溏心蛋略熟但又未到烚蛋咁鞋口，仲食到蛋黃嘅濃稠同蛋香，哈密瓜亦非常甜🥺。魚生飯(順序係師傅指示食嘅順序)：1.海膽非常鮮甜，回甘味重，完全冇腥味，但因為盒裝，略帶好輕微嘅明礬味，但完全唔影響甜味。2.石垣貝嫩身爽口，貝肉鮮甜，秋季當造食材之一。3.北寄貝新鮮北寄貝非常爽脆鮮甜，雖然一年四季都可以食到，但品質完全取決於新鮮度，可以差好遠。4.香箱蟹肉+膏秋季當造食材之一，師傅手拆蟹肉再撈埋蟹膏，蟹肉鮮甜，蟹膏味道濃厚，鮮味double上。5.金目鯛金目鯛嘅魚皮帶脂肪，除左魚肉本身彈牙鮮甜外，亦有脂肪濃厚嘅香味。6.秋刀魚秋季食材no.1，秋季嘅秋刀魚夠晒肥美，魚肉鮮甜嫩滑，配合本身嘅酸味，真係想食多幾舊。7.池魚碎雖然切碎左做細粒，但依然保留到池魚本身嘅彈牙，味道亦香濃肥美。8.拖羅蓉基本上拖羅蓉鮮甜濃厚係基本，雖然好食但都響預想
前菜：
茶碗蒸
蒸蛋嫩滑，味道咸淡適中，入面嘅配料有雞肉、冬菇、枝豆、銀杏、蟹肉，最尾食舊蟹肉配蛋真係非常鮮甜。
沙律
醬汁非常開胃，酸甜適中，蔬菜都爽甜，插響蛋上面嘅薄脆非常香口，蕃茄清甜，我唔太鐘意食蕃茄都覺得好食。雞蛋比溏心蛋略熟但又未到烚蛋咁鞋口，仲食到蛋黃嘅濃稠同蛋香，哈密瓜亦非常甜🥺。
魚生飯(順序係師傅指示食嘅順序)：
1.海膽
非常鮮甜，回甘味重，完全冇腥味，但因為盒裝，略帶好輕微嘅明礬味，但完全唔影響甜味。
2.石垣貝
嫩身爽口，貝肉鮮甜，秋季當造食材之一。
3.北寄貝
新鮮北寄貝非常爽脆鮮甜，雖然一年四季都可以食到，但品質完全取決於新鮮度，可以差好遠。
4.香箱蟹肉+膏
秋季當造食材之一，師傅手拆蟹肉再撈埋蟹膏，蟹肉鮮甜，蟹膏味道濃厚，鮮味double上。
5.金目鯛
金目鯛嘅魚皮帶脂肪，除左魚肉本身彈牙鮮甜外，亦有脂肪濃厚嘅香味。
6.秋刀魚
秋季食材no.1，秋季嘅秋刀魚夠晒肥美，魚肉鮮甜嫩滑，配合本身嘅酸味，真係想食多幾舊。
7.池魚碎
雖然切碎左做細粒，但依然保留到池魚本身嘅彈牙，味道亦香濃肥美。
8.拖羅蓉
基本上拖羅蓉鮮甜濃厚係基本，雖然好食但都響預想範圍內。
9.中拖羅
個位比較備赤身部位，雖然肥美差少少，但略帶赤身嘅酸味都非常唔錯(但我比較想食赤身🥹)
10.中拖醬油漬
肥美部分嘅中拖羅用醬油醃漬(醃漬時間短嘅話，魚肉表面唔會變色，但相對長時間嘅話，表面會變左色，鮮味凝縮)，保留肥美之外，醬油漬亦帶出左魚肉嘅味道。
11.大拖羅
入口即溶，非常好食，但響預想之內(師傅本身切漏左，但之後補番，所以碗飯入面冇出現)。
12. 沙甸魚苗
沙甸魚苗蒸過之後帶淡淡嘅鮮甜，
13.燒白子
白子算係好多人嘅地雷食材之一，燒過之後口感似海膽，但比較帶黏性，而且燒過之後香味比較濃郁，餘韻stay響口好耐，配飯食可以中和一下比較好食，而且完全冇腥味，食白子膽海膽一樣最驚食到又腥又臭(同一類野，你懂的)。
14.燒銀鱈魚
油份充足嘅銀鱈魚燒過之後魚油香氣爆發，油份充足所以食落相當肥美香濃。
15.燒深海池魚
相對銀鱈魚，油份比較少，所以燒過後相比銀鱈魚，香氣同油份都較為不足，但都係好食(冇比較冇傷害)。
16.三文魚子
醬油漬過而且本身咸香充足味道香濃，配飯嗰時個鮮味同咸味真係一流。
追加
醋鯖魚紫荊卷 $80/2
鯖魚肥美鮮甜，魚肉軟嫩，紫菜脆口，醋醃過之後酸味平衡番鯖魚嘅肥美(好想叫一堆拎走🥺)。
9 瀏覽
0 讚好
0 留言
張貼
