Mini Club (已結業)

呢間位於銅鑼灣地鐵站附近既蠔吧一直好評如潮，今日就去試一試佢地既蠔同埋意粉。店內裝潢好似一般酒吧，燈光昏暗，俾人一種好chill既感覺。今次就試左佢地既蠔、薯條同埋意粉，啲蠔來自兩個國家，分別係英國、法國，配襯住佢地既House Wine顯得蠔既鮮甜味更重。薯條佢地表面上有蛋黃粉末，加重左佢既鹹香味，食到停唔到口。最後意粉係霸王軟殻蟹配法式紅醬意粉，呢一樣比較普通，軟殻蟹同意粉比較冇連系，意粉亦比較乾身。總體來講係一間幾好既蠔吧，著重小食同埋蠔既品質，鐘意食蠔送酒既不妨一試。