9 3/4 cafe (已結業)

又到每個月出糧後嘅一餐食好啲，今次都係黎返上次試過一次的 9 3/4 cafe. 今次叫左南瓜湯，奶油啤酒，日本八爪怪（明太子魷魚忌廉扁意粉），密室火鳳凰（芝士焗雞扒配西班牙火腿），同一個不知名的小食（因為係老闆請，望過餐牌唔見有😂。個小食係炸蝦黎，當頭盤開開胃最好。南瓜湯保持水準，味道岩岩好，唔會太濃。奶油啤酒同去日本環球影城飲過嘅一樣咁甜😂。因為老婆話想食忌廉野，所以叫返上次食過嘅明太子魷魚忌廉扁意粉，足料好味。至於我今次就食咗芝士焗雞扒配西班牙火腿，雞扒好Juice。因為焗過嘅關係，係面頭有啲溶左嘅芝士同西班牙火腿，夾埋塊雞扒真係好好味。由於食左咁多野都飽飽地，所以今次都係未試到啲蛋糕，下次再去先試。Ps: 除左野食好味，鋪頭跟返主題好多哈利波特場景同配件比客人去影相打卡，所以鍾意哈利波特嘅朋友一定要去捧場。