韓家韓國料理 (已結業)

哈韓朋友就快生日，約咗去佢喺觀塘嘅公司附近食飯，佢一早訂好咗位。呢間叫韓家嘅餐廳，係喺商場入邊嘅一樓，朋友話有時都幾滿座，如果唔早啲定位未必可以食到。餐廳一直播住韓國嘅MV，聽到我朋友好開心。本來我哋想食炸雞套餐嘅，但因為喉嚨病咗，所以決定都係散叫。我哋叫咗個牛油果沙律，韓式炒泡菜煎餅，水冷麵，炸雞，年糕，同埋特色飲品。牛油果沙律，牛油果都幾多，份量都幾大。韓式泡菜煎餅，味道都幾濃，煎餅都幾軟身。水冷麵浸在冷水中，見到有少許浮冰，可以自行添加白醋及芥末，冷麵份量都幾多，同我平時食嘅味道有啲唔同，如果可以加返多啲味道就好。年糕煮得好熟透，而且醬料淡淡的，唔食辣嘅朋友都可以食到。我哋叫咗幾款飲品都係梳打飲品，飲品幾好味，我哋都有再encore。佢哋最好味嘅係炸雞，雞件好嫩滑，而且好入味，我哋下次好返，應該都會再食炸雞。