金坊泰國美食

營業中

休息中

尋日同4位朋友四點幾入去，呢個鐘數冇乜人。坐低後冇人理唯有主動舉手請侍應寫嘢，近距離扮睇唔到，行咗去兼用背脊背住你。跟住索性舉起餐牌示意寫嘢，另一個望咗一眼又扮望唔到。啲員工好似唔肯做多咁，自己唔做就留其他人做，到最後冇人做。最後，我同朋友起身離開轉場，臨走時專登經過其中一位扮盲扮聾嘅侍應，並講有冇攪錯，咁對客人。果位侍應當然繼續扮唔知啦。最終我哋轉咗去亞金食下午茶，海南雞飯都係五十幾，份量仲大碟抵食，真係錯有錯著。以後轉場，唔駛受氣。