TRANSFORMERS THE ARK (已結業)

我哋兩個人叫咗個魚堡，凱撒沙律，勁脆雞，烤雞翼，同一杯星空奇遇 (鳳梨百香)。幾樣食物當中，有部份早啲有得拎，因為我哋就坐喺最近取餐處嗰張枱，於是我就拎咗埋位食先，諗住食住等，等轉頭有得拎其餘嗰啲先出去再攞。點知取餐處嗰位店員好到拎埋出嚟俾我哋，後來仲主動拎把刀俾我哋，佢話：「俾把刀你哋分享個包吖」呢個舉動真係非常窩心，呢位員工不止有禮貌，而且笑容親切，真係難得一見。食物方面，沙律，魚堡，飲品都好好味，但炸雞同烤雞翼就較乾，唔特別推介。總括嚟講，我哋對食物同員工都好滿意，一定會再嚟。