Sweetology (已結業)

從來唔寫食評，今次忍唔住要寫第一次食時，覺得好好味，所以黎食第二次，點知。。。落單時問個侍應benedict係煙三文魚定火腿，佢一臉茫然咁答我:主要係菜囉。我再問，咁除咗菜、蛋同包，有無其他餸，佢答: 好像有火腿。我心諗是旦啦，咁就叫咗一份。問佢有無drink list, 佢又一臉茫然咁望住我。。。最後我叫杯冰奶茶啦，結果我果set黎咗杯凍檸茶個benedict係一件配巴拿馬火腿，另一件配煙三文魚。。。我老公叫咗個咖哩吉列豬扒飯，點知應該係同咖喱一齊煮嘅薯仔同紅蘿蔔竟然係白烚再淋啲咖哩汁上面之後夠三點可以點甜品，我見到張相個甜品幾吸引，叫咗另一個侍應問佢呢個係咩，佢又係一臉茫然咁話，應該係士多啤梨窩夫，我唯有話，你肯定係就幫我落單啦，總之我要呢幅相果個，佢走去問完經理後返黎話:原來係厚班戟配雪糕呢間餐廳個個員工都唔知餐牌上賣緊咩🤦🏻‍♀️唔會再有下次