嘉湖吉吉燒

營業中

休息中

一家四口去天水圍吉吉燒，本身都心情愉快既，開完爐諗住去買個燒烤網可以方便燒烤，行到去問職員就係場內士多用40蚊買個燒烤網，當時店內個大叔職員既態度麻麻地，問多佢兩句都好似阻住佢玩手話咁，跟住燒完第一輪就覺得點解d野食野會咁燒燶，望下隔黎左右~原來就係差個燒烤架！咁我就跟手拎埋原先塊燒烤網去沖洗下再返士多拎個燒烤架返去啦~點知我返到去個爐位放低個燒烤架，個士多大叔就追到上黎搶走個燒烤架，話因為我個燒烤網唔係佢度買，話係我地自己拎入場，就唔用得佢地既燒烤架…我心諗你咩事呀…果個大叔既態度真係十分惡劣~佢開工就顧住玩電話，轉個頭就屈人係自備燒烤網入場…咪玩啦…你個燒烤網都係40蚊啫~我唔會比唔起嘛？事件經另外一位目睹整個過程既年輕職員了解後，就叫個大叔返番去~今次真係燒個野食，都比條廢老激親~有呢D咁既員工係度，我一定無下次，甚至都叫天水圍既街坊同朋友都唔好去幫襯~天水圍又唔係得你一間燒烤場~