616牛肉火鍋專門店 (馬鞍山中心)

營業中

休息中

星期六晚8點半去到，同朋友一直用正常速度食嘢飲嘢，食到10點叫多枝啤酒，枱面都係得返5塊肉左右，應該15分鐘內會食晒飲晒所有嘢走人 。當時舖頭入面得返我地一枱客，但員工從來無提過last order等等 。點知10點零5分果陣，員工突然走嚟開到冷氣勁大，真係勁大風咁直吹住我地，吹到枱面tissue都一嘢吹晒落地果種 。我地忍唔住問佢地可唔可以熄細啲冷氣，同埋表示頭先冷氣一直正常，點解要無啦啦教大佢吹住我地 。員工話要搵人嚟整冷氣所以要開大佢，真係完全不能理解 。之後當時三位員工出咗去舖頭外面食煙，其間一直用不友善眼神望返入嚟，我地都驚阻人收工，結果啤酒飲咗幾啖都放棄，10點3就埋單走人 。埋單時我地問佢地呢度幾點閂門，原來係10點3 last order，11點閂門 。即係我地根本完全無阻到佢地收工，只不過somehow當時得返我地一枱客，佢地為咗想我地快啲走就開大冷氣吹住我地，仲黑口黑面咁對我地 。食物已經無幾年前咁好食，而家連態度都差成咁，真係睇唔到有咩理由再幫襯 。