南國紅豆餅 (已結業)

睇到有人介紹，好似好正咁，話有6隻口味，一心諗住試鹹果兩款晏晝三點幾去到好多人排隊等緊，但原來得返3款味，店員話要等15分鐘，唔緊要，照等，但發現店員手腳慢，唔憂做，又掛住傾計，啲客人想問佢嘢，想買，店員眼尾瞄了一下，繼續傾計，係要出到聲問，佢先施施然答客人，所以咁多人等，其實部分原因係因為店員手腳慢囉，仲有喎，個爐又少空間，每一次都係做得10-12個，但好多人都6個6個6個買，因買5送1，3個款都要等15分鐘，做齊6個款咪要等成個鐘？入正題，返去拎返時已經得返2款，我買既係紅豆同吉士，皮唔脆，紅豆水汪汪，仲要冇紅豆味，冇任何甜味，吉士冇香味，冇奶味，出面求其買個奶黃包仲滿足，同埋質感一pat pat等咁耐唔緊要，因香港人都慣左排隊，但店員態度散漫，唔理客人，真係好反感，就算好食我都唔會再encore,依家又難食又受氣，又哂時間，真係要寫食評請大家小心中伏！