影片
更多
2022-12-12
480 瀏覽
今次係用外賣app落單，非繁忙時段，但落單後30分鐘仍然顯示準備中，於是當日14:41打落餐廳問係咪太忙，未準備好？員工第一下回應：「下！外賣app 冇響過！」然後突然間話：「煮好咗好耐啦！等緊車手嚟，唔知幾時有！」之後我打算先自取啦，真係怕唔知要等耐，我再同客服講返。於是我14:49打落去同員工講，我自己落嚟拎得唔得呀，佢話可以。只係4分鐘時間，14:53我出咗門口，就收到通知話有車手拎咗外賣。其實車手拎咗都唔緊要，之前等唔到車手送，我更可以理解。重點係由頭到尾，同一位操半鹹淡廣東話女員工的態度。於是我打落去同佢講：「其實我岩岩先打完落嚟講會自取，咁點解會俾車手拎走呢？」「我唔知啊！唔關我事啊！我點知啫！佢走咗好耐啦！⋯」結果15:00我就收到外賣。由餐廳行來我屋企，點快都起碼要15分鐘。所以14:49我打俾佢嘅時候，我相信其實已經拎咗，如果佢一早讓我知道，我就唔會帶住唔知等到幾時的心態走落街自取。真係幾嬲，冇車手好明白，都急唔到。但作為餐廳員工會唔會都嘗試幫忙，而唔係不懂轉彎，只係想是但應付的態度回應人。最後我食到嘅外賣，真係非常之唔好食，唔熱之餘，牛柏葉又老，啲麵又冧曬。真係好掛
之後我打算先自取啦，真係怕唔知要等耐，我再同客服講返。於是我14:49打落去同員工講，我自己落嚟拎得唔得呀，佢話可以。
只係4分鐘時間，14:53我出咗門口，就收到通知話有車手拎咗外賣。
其實車手拎咗都唔緊要，之前等唔到車手送，我更可以理解。
重點係由頭到尾，同一位操半鹹淡廣東話女員工的態度。
於是我打落去同佢講：「其實我岩岩先打完落嚟講會自取，咁點解會俾車手拎走呢？」
「我唔知啊！唔關我事啊！我點知啫！佢走咗好耐啦！⋯」
結果15:00我就收到外賣。
由餐廳行來我屋企，點快都起碼要15分鐘。
所以14:49我打俾佢嘅時候，我相信其實已經拎咗，如果佢一早讓我知道，我就唔會帶住唔知等到幾時的心態走落街自取。
真係幾嬲，冇車手好明白，都急唔到。
但作為餐廳員工會唔會都嘗試幫忙，而唔係不懂轉彎，只係想是但應付的態度回應人。
最後我食到嘅外賣，真係非常之唔好食，唔熱之餘，牛柏葉又老，啲麵又冧曬。
真係好掛住以前老友記嘅水準，無論係老闆，員工，食物都比宜家好好好多！！
張貼