亞參雞飯 (已搬遷) 新店位置

雖然食物幾好味，雞都滑。好可惜員工實在太差，一入門無人留意到，叫完嘢食又等得比較耐，坐低水都無杯，都唔緊要。無限用餐時間，我只係剛剛食完，一個鐘都無，飲你杯迷你薏米水甜到抽筋，想叫杯熱水溝淡啲啫，個阿姐斟俾第二枱客又無俾我，一路抹嘢一路講食完都唔走。你講都唔好俾客聽到啊！！見你唔斟做其他嘢，我叫第二個，嗰條阿叔指住嗰2個阿姐方向，叫我搵佢哋。個阿姐聽到即刻講話叫左佢就唔好叫第二個，乜原來你記得架？你頭先斟俾人你唔俾埋我，走去抹嘢又講埋哂啲說話我就當你唔俾我啦？對客態度差到爆！！我而家唔俾錢咩？