街坊Cafe (已結業)

本身book咗2045時段2位，但臨時多咗兩位朋友去，所以諗住打電話去改人數但點知打咗8次都冇人聽，但可能因為忙冇聽所以算，最後唯有係依到book第二個時間食。去到餐廳有個女員工黎咗落單，之後原來佢落錯單黎咗啲唔岩嘅食物，然後我地搵反個女員工同佢講，但佢竟然答我地話張單係咁寫，話反我地唔講清楚又好似唔想同我地換，但我同朋友都好肯定冇講錯因為我地都有指住餐牌黎講，最後我就同反佢講係你落咗先會黎錯 佢先肯換但就黑哂面咁，之後張枱唔夠位叫佢黎收野佢就西口西面最後仲”接”我地，真心反工反到咁不如唔好反，最後我地叫咗個西多士甜品等咗好耐都冇黎我地追單問，佢就話個爐熄咗整唔到。總括黎講服務差到爆下次一定唔會黎，食物黎講就一般唔係話好食但都唔難食，所以如果唔係有折嘅話就唔抵食，下次都唔會再去。