太極樓京滬飯店 (已結業)

當日到華人永遠墳場拜先人, 完畢後下山在附近想找點吃的, 但又不想吃連鎖快餐店,於是乎找了一陣子,見有個新場咪試下囉, 居然俾我地試到間好特別嘅店,我的下午茶餐計有: 窝貼三隻—肉餡豐富, 都ok架, 小籠飽兩隻—雖然不是最好的但也合格喎, 雞絲煨麵—雞絲雖然少但湯底清甜又有少少碧綠的菜伴食都幾”得”架,太座的下午茶餐則是:上海粗炒雖然油光滿面,但調味得宜亦是上選本來這裡食物質素同價錢都很配合, 價錢沒有過高用料份量亦可以,不過員工就….當日所見客人很少, 只有兩枱, 員工大部分是二十不足的小伙子, 幾個圍埋講笑的不特止還在追追跑跑, 其中只有一個女的在搞清潔, 最有趣的發現是每個員工輪流去收銀枱攞一隻蕉,在廳面表演”食蕉”情況令人噴飯, 最離譜是壓軸的是由經理表演, 到底他們知道自己在做啥的呀, 如果佢老闆睇到血壓肯定颷升, 好心就喺客人見唔到嘅地方做啦,邊間酒樓員工唔”打猫”呀, 做得高明d得唔得呀?