風雲丸

營業中

休息中

見朋友啲相石鍋好似好吸引所以特登黎試。點知極失望，失望到第一次寫食評。1. 員工質素差不專業全舖六七個大媽，煮麵廚房又係大媽，譚仔話都算，不停喺度大叫投訴傾計。成間鋪淨係聽到佢哋講嘢。入面廚房個阿嬸”P”大聲到返工間表、點樣切檸檬、邊個做嘢衰，我都聽到晒。廚房阿嬸出嚟又拉低個口罩，着住洗碗圍裙喺成間舖面行。不停喺我地隔籬枱寫嘢、訂貨、入樽。真係冇諗過食日本過江龍拉麵店都可以咁唔專業，我以為食緊譚仔。去譚仔食至少冇期望，唔會失望人地服務質素差。2. 沾麵冇葱放沙律菜諗住大媽都搵身返工，至少食物質素希望至少可以。冇諗過沾麵上面葱，竟然係沙律菜？！！魚介湯由得個咸字，麵質又普通。香鬆飯都只不過係味素飯，飯質又唔係特別好。3 冷氣完全唔涼天時暑熱30幾度間舖都可以冇冷氣嘅。仲要食咩石鍋湯底，食完個人濕晒。唔期待香港可以做到人哋日本一絲不苟嘅服務態度同食物質素，但至少都唔希望咁嘅價錢係食茶餐廳版拉麵。