友義氣‧酸菜魚

營業中

休息中

友義氣•酸菜魚 (銅鑼灣)銅鑼灣記利佐治街1號金百利廣場7樓R3室係銅鑼灣做完眼睫毛，梗係搵餐好嘢食啦，Wendy最鍾意就係食酸菜魚同雞煲，我哋一齊嘅時候真係試盡香港嘅酸菜魚，就嚟都友義氣，服務真係一流。招牌酸菜魚薯粉晶瑩剔透極彈牙，用咗新鮮嘅鱸魚，冇骨又厚肉，鮮甜Q彈，酸菜魚辣嘅，刺激味蕾。菠蘿咕嚕肉菠蘿勁甜勁好食😋咕嚕肉外脆內嫩，食到停唔到口，真係好鍾意鬆化嘅感覺，甜酸醬配搭得幾好，滋味萬分。避風塘茄子🍆高度推介必食菜式，成世人未食過咁好味嘅茄子🍆，炸得超鬆化，極好食又有鑊氣，茄子嫩到不得了，會為咗呢碟餸再返嚟。黃金軟殼蟹鹹蛋黃味激濃，極度邪惡，又係炸嘅，軟殼蟹冇得輸，足料食到你飽飽。