影片
更多
2017-08-24
319 瀏覽
唉，真係好失望。作為一個沙田人，睇住當年果間又細間又難食仲要冇辣雞嘅KFC執左，轉左做呢間又大d又設計風格好d嘅鋪頭，諗住數應該會有改善。有就有嘅，係叫做好過以前果間囉，但比起出面嘅KFC真係仲差好遠。今日收工行過，諗住試下佢啦。好日都唔食一次，今次真係好失望。叫左一個M2香辣脆雞餐，跟可樂同蘑菇飯。估唔到一個咁基本嘅combo都會伏。首先，講個飯，一打開：嘩！d汁會唔會少左d！得幾塊菇係個飯上面，其實個飯最大嘅吸引點係個汁，偏偏你又得咁少汁⋯⋯失敗好，你可能會話KFC係出名做雞，咁我地講講個雞。一打開個外賣盒：下！我個雞脾呢！兩件都係雞件，冇左最鐘意食嘅雞脾⋯⋯好都算啦，叫做係雞先。一咬落去，好硬！真係好硬！未食過咁硬嘅炸雞⋯⋯可能係我唔識食⋯⋯都算啦，至少個味係好嘅，已經好過舊果間果d唔脆嘅雞。諗住飲一飲可樂，冷靜下。頂！真係估佢唔到，連可樂都出事。一飲落去，洗潔精味？梳打粉味？總之係奇怪味啦！奇怪到，我好懷疑，我飲緊果杯，到底仲係咪可樂。食完個餐，我不知幾想學星爺講：外賣比錯野！失敗！可樂有洗潔精味！失敗！D飯冇汁乾爭爭！失敗！雞皮硬過鞋底！失敗中嘅失敗！其實有間靚d新d又大d嘅
作為一個沙田人，睇住當年果間又細間又難食仲要冇辣雞嘅KFC執左，轉左做呢間又大d又設計風格好d嘅鋪頭，諗住數應該會有改善。
有就有嘅，係叫做好過以前果間囉，但比起出面嘅KFC真係仲差好遠。
今日收工行過，諗住試下佢啦。好日都唔食一次，今次真係好失望。
叫左一個M2香辣脆雞餐，跟可樂同蘑菇飯。
估唔到一個咁基本嘅combo都會伏。
首先，講個飯，一打開：嘩！d汁會唔會少左d！
得幾塊菇係個飯上面，其實個飯最大嘅吸引點係個汁，偏偏你又得咁少汁⋯⋯失敗
好，你可能會話KFC係出名做雞，咁我地講講個雞。
一打開個外賣盒：下！我個雞脾呢！
兩件都係雞件，冇左最鐘意食嘅雞脾⋯⋯
好都算啦，叫做係雞先。一咬落去，好硬！真係好硬！未食過咁硬嘅炸雞⋯⋯可能係我唔識食⋯⋯
都算啦，至少個味係好嘅，已經好過舊果間果d唔脆嘅雞。
諗住飲一飲可樂，冷靜下。頂！真係估佢唔到，連可樂都出事。一飲落去，洗潔精味？梳打粉味？總之係奇怪味啦！奇怪到，我好懷疑，我飲緊果杯，到底仲係咪可樂。
食完個餐，我不知幾想學星爺講：
外賣比錯野！失敗！可樂有洗潔精味！失敗！D飯冇汁乾爭爭！失敗！雞皮硬過鞋底！失敗中嘅失敗！
其實有間靚d新d又大d嘅KFC，係開心嘅。肯放錢係個包裝度，的確係可以吸引到多d人食嘅。但係的都係覺得，一間食店，最重要都係佢嘅食物。就算個樣幾靚，幾新潮都好，如果你d野唔好食，都只會呃到人一次呃唔到第二次。
不過，呢餐雞至少叫熱嘅⋯⋯
11 瀏覽
0 讚好
0 留言
張貼
