好叉好味 (港灣道) (已結業)

話說早幾日係灣仔唔知食咩好就係openrice見到呢間好叉好味買左個焦蜜叉燒菜飯 之後我用5分鐘返到office滿心歡喜打開呢盒飯 結果一打開見到d叉燒白雪雪冇色嘅好似白恰豬肉 心知不妙 心諗點解呢盒飯點解咁似隔夜飯嘅 食入口d飯嘅溫度唔知有冇50度 隻温泉蛋食入口有啲腥味 一定唔係用日本蛋 係用左大陸蛋 總括來說 呢盒飯完全係垃圾 d叉燒冇味 仲有邊到有菜飯落咁鬼多小棠菜 搞到冇咗個飯香味 得返大量草腥味 完全喧賓奪主🤦‍♂️🤦‍♂️俾咗$54買呢盒野 又冇包野飲 我真係寧願去食大家樂燒味飯都冇咁嬲呢間野我強烈建議大家千祈唔好去食 免得浪費金錢！！評分：1分 係俾個包裝🤣🤣