影片
更多
2007-08-03
4 瀏覽
今晚同個friend o係旺角想食韓燒, 本身諗住去東大門或者漢陽苑食, 但個friend問我有無興趣試試呢間, 因為佢想試試, 於是大家咪去試試咯, 結果係........首先, 我地都見到有多吉檯, 本身都諗住求祈搵張坐低, 但係諗諗咁好似好無禮貌, 於是咪等個waitress過來帶位咯, 佢問我幾位, 我答佢兩位, 於是佢就up左兩個字: "呢邊", 然後就assign我地去一張本身已經有四個人坐緊o既檯坐, 我都廢事問佢有無得調位, 因為覺得佢係有心咁做o既.跟住個waitress就好快速但偏細聲咁講左d野俾我地知, 我聽唔到佢講乜, 咪問佢: "唔好意思, 聽得唔係好清楚", 於是佢就好唔耐煩咁重覆一次, 內容大約係話如果多人等位, 只可以食1.5小時, OK啦, 我都無諗過o係呢個環境可以食多過1.5小時, 不過個waitress d態度就真係惡劣.跟住咪出去夾野食咯, 近住擺食物附近見到有團黑色野走過, 我諗唔係小強就係米奇. 算啦, o係食肆見到呢d野都唔係第一次, 當睇唔到算啦.講返d食物, 其實唔算好差, 一分錢一分貨, 無可能同d逐點叫o既高級韓國料理比, 有d網
首先, 我地都見到有多吉檯, 本身都諗住求祈搵張坐低, 但係諗諗咁好似好無禮貌, 於是咪等個waitress過來帶位咯, 佢問我幾位, 我答佢兩位, 於是佢就up左兩個字: "呢邊", 然後就assign我地去一張本身已經有四個人坐緊o既檯坐, 我都廢事問佢有無得調位, 因為覺得佢係有心咁做o既.
跟住個waitress就好快速但偏細聲咁講左d野俾我地知, 我聽唔到佢講乜, 咪問佢: "唔好意思, 聽得唔係好清楚", 於是佢就好唔耐煩咁重覆一次, 內容大約係話如果多人等位, 只可以食1.5小時, OK啦, 我都無諗過o係呢個環境可以食多過1.5小時, 不過個waitress d態度就真係惡劣.
跟住咪出去夾野食咯, 近住擺食物附近見到有團黑色野走過, 我諗唔係小強就係米奇. 算啦, o係食肆見到呢d野都唔係第一次, 當睇唔到算啦.
講返d食物, 其實唔算好差, 一分錢一分貨, 無可能同d逐點叫o既高級韓國料理比, 有d網友話佢唔日唔韓, 講句公道話, 漢陽苑, 東大門呢d咪又係食呢d o野. 食物方面唯一要彈o既係壽司. d魚生都預左唔會點生鮮架啦, 但都可以接受, 不過d飯就硬到死, 好唔掂.
最好叫埋單啦, 我個friend舉左幾次手示意埋單, 都無人理佢, 最後一個o係我背後行過, 我咪大大聲講: "唔該埋單" 咯, 佢啤一啤我, 跟住行開去做佢第二d野, 做完就大大聲講:"12號檯" 埋單呀!!! 最後我個friend找數, 一毫子貼士都無俾, 我覺得識佢咁耐, 佢做得最o岩都係呢次.
呢間咁o既o野, 請我都唔會再走, 希望大家小心小心.
張貼