影片
更多
2021-06-15
1029 瀏覽
唉！😤😤😤如果唔係貪佢落的士唔使行咁遠，真係唔會特登同個老人家嚟呢間咁嘅餐廳食嘢。其實次次黎親呢度，啲嘢食都還算可以，當然唔講得性價比高啦，但係最難頂嘅就真係好差嘅服務態度！😩😩👎🏻👎🏻👎🏻👎🏻👎🏻👎🏻👎🏻👎🏻今日去到餐廳已經2:30pm 過後，門口帶位其中一位女士已經算係所有職員之中最好👍🏻👍🏻態度嘅一位。1）跟住叫牛肉河粉，問個高高瘦瘦戴眼鏡嘅男職員：「雙拼除咗生牛肉之外，併牛群邊「淋」唔「淋」呢？」佢都答得好冇服務水準，佢話：「你食就唔知咬唔咬到，我食找到囉！」😱😱😱😱😱😱嘩！😱呢啲叫做服務態度，真係學到嘢！😰其實我唔介意佢同我講：「如果你驚咬唔到，不如淨係要生牛肉啦！」乜而家啲餐廳真係唔優做咩？點解硬係要咁趕客！😤😤2）事情去到呢度，都未完，跟住嚟咗碗牛肉拼牛丸，以我一般所知，去越南餐廳食牛肉可，通常都會有芽菜跟，當然就見唔到啦，問職員，佢話係個碗度已經有，我問佢係邊，佢都真係好👀眼利，碗入邊目測果然有一條，可能碗入邊仲有嘅，不過可以好肯定嘅，芽菜真係好矜貴嘅! 另外，仲可以肯定嘅，嗰個職員，的確好👀眼利。3）接着，下午茶餐嘅牛油雞翼到啦，嘩，嗰個牛油真係果然好牛油，真係成碟都
如果唔係貪佢落的士唔使行咁遠，真係唔會特登同個老人家嚟呢間咁嘅餐廳食嘢。其實次次黎親呢度，啲嘢食都還算可以，當然唔講得性價比高啦，但係最難頂嘅就真係好差嘅服務態度！😩😩👎🏻👎🏻👎🏻👎🏻👎🏻👎🏻👎🏻👎🏻
今日去到餐廳已經2:30pm 過後，門口帶位其中一位女士已經算係所有職員之中最好👍🏻👍🏻態度嘅一位。
1）跟住叫牛肉河粉，問個高高瘦瘦戴眼鏡嘅男職員：「雙拼除咗生牛肉之外，併牛群邊「淋」唔「淋」呢？」
佢都答得好冇服務水準，佢話：「你食就唔知咬唔咬到，我食找到囉！」😱😱😱😱😱😱
嘩！😱呢啲叫做服務態度，真係學到嘢！😰其實我唔介意佢同我講：「如果你驚咬唔到，不如淨係要生牛肉啦！」乜而家啲餐廳真係唔優做咩？點解硬係要咁趕客！😤😤
2）事情去到呢度，都未完，跟住嚟咗碗牛肉拼牛丸，以我一般所知，去越南餐廳食牛肉可，通常都會有芽菜跟，當然就見唔到啦，問職員，佢話係個碗度已經有，我問佢係邊，佢都真係好👀眼利，碗入邊目測果然有一條，可能碗入邊仲有嘅，不過可以好肯定嘅，芽菜真係好矜貴嘅! 另外，仲可以肯定嘅，嗰個職員，的確好👀眼利。
3）接着，下午茶餐嘅牛油雞翼到啦，嘩，嗰個牛油真係果然好牛油，真係成碟都係油，我問過職員攞張紙巾印一印啲油.... 但後來，我諗吓諗吓，之後我仲要去街，真係唔係好敢食得咁肥膩，再問過職員，攞多幾張紙巾，我話啲牛油雞翼真係好牛油，呢位職員就答牛油雞翼呀嘛，梗係咁㗎啦！
其實我都食過好多間越南餐廳嘅牛油雞翼，但係油浸牛油雞翼(紙巾吸極都仲有油滲出來)其實都真係第一次，同埋我真係唔敢博，食完之後出街個肚會唔會有問題！所以嗰個職員係我再反映之下，叫咗另一位唔知係廚師整高級啲嘅人出嚟，佢都堅持牛油雞翼係應該咁多牛油喺面，我話我真係唔敢食，呢個都算還有少少服務，佢肯幫我換過蒜蓉雞翼，我先夠膽食!
總括而言，成間餐廳，有服務嘅只係有兩位，其他嘅人服務態度及嘴臉，實在係➖負分👎🏻👎🏻👎🏻👎🏻嘢食還可以，但咁嘅服務質素，如果唔係迫於無奈，我都一定唔會再幫襯，更加唔會介紹人嚟幫襯啦！🙅🏻♂️🙅🏻♂️🙅🏻♂️🙅🏻♂️🙅🏻♂️
不過其實都係自己衰，之前幾次嘅經歷都係唔好，但係只係貪就腳，再一次嚟到俾人傷害。😰😰
張貼
