麥兆記(祖傳)廣州雲吞麵 (已搬遷) 新店位置

今日突登揸車去天后，因為好耐無食過好的云吞面，在街口考慮左一陣，去麥兆記定麥奀記，因為好耐以前有去麥奀，所以今日入去麥兆記。$57 一碗云吞麵，麵咬落去硬硬地，但絶不是彈牙爽口，相信再煮多一分鐘會林到食唔倒。湯頭係清，但完全唔鮮，只是一股死咸，不是很咸，意思係新鮮日本芥末，同開粉的日本芥末的分別，明？仲叫左牛筋牛腩，牛筋正常，牛腩竟然咬唔開，一個字，唉！搞到我好掛住澳門黃枝記其實我都唔算生麵迷，不過係云吞迷，係喇，粒云吞的蝦係新鮮，不過個皮一d都唔香，有d云呑皮香滑綿，入口好舒服。唉，可能我唔識食啦