影片
更多
2016-07-02
1270 瀏覽
上個月試完呢間私房菜, 今日先有時間post… 呢間係位於西洋菜南街既私房菜，雖然係唐樓既外表，但裡面如家般舒服，有碎花布既佈置，邊估得到老闆s其實係廿幾歲既後生仔。而好神奇既地方係，唔好以為menu都係普通cafe野食，咩雞翼薯條，卡邦妮etc.而係一啲叫做黑暗料理、白色料理等等既健康西餐。其實價錢都係百幾蚊有埋飲品，飲品就以coffee為主（當然重有沙冰, 有機果茶,）由於老闆s講求健康、公平，咖啡豆唔係普通野，而係公平貿易既咖啡豆；而花茶就係有機既( ´▽' )ﾉ只係太夜喇 再飲咖啡同茶我怕我唔駛訓😂😂（利尿） 所以就叫咗杯hot Green tea latte, 除左有隻可愛熊拉花之外，飲落好厚好香，係十分足料之green tea latte呢( ´▽' )ﾉ套餐價加$18單叫$42* 我下次一定要試佢既另一特飲: 田甜地白色料理之 霧鄉峰呢個係友人點既，係韃靼醬配三文魚碎，下面係黑醋藜麥飯，當然重有最重要既流心蛋啦😋😋 我食咗一啖，係酸酸辣辣既，我用平民口味黎形容，就係有啲似漢堡包個陣酸瓜洋蔥味，但帶啲辣，其實我平時最憎食漢堡包入面呢啲酸青瓜洋蔥味 但呢個配三文魚同飯，又幾好
呢間係位於西洋菜南街既私房菜，雖然係唐樓既外表，但裡面如家般舒服，有碎花布既佈置，邊估得到老闆s其實係廿幾歲既後生仔。
而好神奇既地方係，唔好以為menu都係普通cafe野食，咩雞翼薯條，卡邦妮etc.而係一啲叫做黑暗料理、白色料理等等既健康西餐。
其實價錢都係百幾蚊有埋飲品，飲品就以coffee為主（當然重有沙冰, 有機果茶,）由於老闆s講求健康、公平，咖啡豆唔係普通野，而係公平貿易既咖啡豆；而花茶就係有機既( ´▽' )ﾉ
只係太夜喇 再飲咖啡同茶我怕我唔駛訓😂😂（利尿） 所以就叫咗杯hot Green tea latte, 除左有隻可愛熊拉花之外，飲落好厚好香，係十分足料之green tea latte呢( ´▽' )ﾉ
套餐價加$18
單叫$42
Matcha Latte
$42
20 瀏覽
0 讚好
0 留言
白色料理－霧峰鄉
$113
18 瀏覽
0 讚好
0 留言
呢個係友人點既，係韃靼醬配三文魚碎，下面係黑醋藜麥飯，當然重有最重要既流心蛋啦😋😋 我食咗一啖，係酸酸辣辣既，我用平民口味黎形容，就係有啲似漢堡包個陣酸瓜洋蔥味，但帶啲辣，其實我平時最憎食漢堡包入面呢啲酸青瓜洋蔥味 但呢個配三文魚同飯，又幾好味喎( ´▽' )ﾉ
而友人s既comment都係話好岩女仔食，因為真係唔漏，唔油。
冇辦法，老闆兼主廚真係一位好講求健康既人，食佢既野食真係可以食得好放心😉
黑暗料理－史萊姆之地
$93
38 瀏覽
1 讚好
0 留言
其實即係菠菜汁配牛油果醬意粉( ´▽' )ﾉ（流心蛋我要求加的，感覺開心啲😜😜）
不過我覺得個意粉既汁唔夠，有點乾，我自己食法加咗啲流心蛋蛋黃汁，又幾好味啵，不過相對上呢個普通啲，冇之前戈個白色料理咁有驚喜👉👈 但個擺盤真係好靚，我完全唔識😂😂 有機會學下先得呀我。
另外佢有個餐湯送，不過同我地平時飲開既白湯好唔同，冇咁杰身。以為係偷工減料? 其實人地不知幾足料，因為佢地唔會落任何麵粉，而係直接打爛食材，而令個湯變得濃稠，所以個湯食個陣會有好多纖維，食落健康啲又有口感( ´▽' )ﾉ
不過，佢既湯次次唔同，唔知下次又會係咩湯呢( ´▽' )ﾉ
比利士三層朱古力蛋糕 $53
呢個蛋糕其實我好鍾意食，除咗有好香濃既朱古力味外，佢既低甜，帶微苦，完全係大讚👍👍
岩曬我呢啲唔鍾意食太甜既朋友仔( ´▽' )ﾉ
而且佢53蚊既size好似係同我佢隻手掌連手指咁大，抵食既😋😋!! 講番個texture,
最高個陣係好軟滑既朱古力mousse
中層係較實身類似生朱古力既texture, 入面重有啲朱古力粒，但加咗朱古力粒反而會比人有錯覺似未融😂😂 不過都不礙事既
而最底層就係一片薄薄既朱古力蛋糕
而如果係我整，我會加番一層薄脆增加口感，中間個層放棄朱古力粒，哈
比利士三層朱古力蛋糕
$53
22 瀏覽
1 讚好
0 留言
藍莓cheese cake, 呢個cake除咗面頭啲醬同個餅底甜咗啲之外，味道上質地上都係十分之好味( ´▽' )ﾉ
芝士個陣係一啲都唔漏，重幾有咬口，絕對唔係個啲好軟身既芝士凍餅😙
而消化餅底既厚度又剛剛好，重帶點碎麥片，yummy😋😋
藍莓cheese cake
$33
20 瀏覽
0 讚好
0 留言
題外話/補充資料：
而講咗咁奈 大家可以去西洋菜南間搵搵呢間私房菜
但記得要book左位先好踩上去
因為開幾點關幾點開是十分有彈性😂 唔係盞摸門釘架咋😂😂
(以上食評乃用戶個人意見 , 並不代表OpenRice之觀點。)
張貼
