糖佰府 (已結業)

夜晚食完飯諗住搵糖水食下，離遠見到有唐伯府，於是就諗住求其當搵個地方同朋友食野算(因為不嬲覺得麻麻地)，但係門口見到menus..發現賣既野好似唔同晒，之後店員解釋後，先發現此唐佰府不同彼唐伯虎，原來係"佰"同"伯"既分別，而甜品價錢也算合理。內裡環境也算整整齊齊，夠寛躺。之後我地叫左個芒果拿破崙 ($34)、益力多棉花冰 ($38)，整體甜品質素也非常不錯。首先芒果拿破崙的芒果十分鮮甜，點上旁邊的朱古力醬食簡直一流，最正係餅底十分酥脆、層次分明，薄得黎又唔會好易散，配合中間的吉士醬同芒果一齊食，口感同味道非常好，最重要只係34蚊ja。而益力多雪花冰都好正，因為本人鍾意飲益力多，所以一見到，就非叫不可，食落口，d 冰好滑，而且啖啖充滿益力多甜甜的酸酸的味道，食落口味十分清新，整個人有種透心涼的感覺，除此之外，旁邊的乳酸爆爆珠也令到這個冰生色不小，配合冰一齊食，令到口感更加豐富，唯一美中不足係西米感覺不太配合。