阿堂魚湯 (已結業)

上網搵到呢間魚湯烏冬好似唔錯，於是琴晚專登試試佢！呢度主打係佢哋既鯛魚湯，我就叫左唐揚雞塊魚湯烏冬（＄５８）～烏冬係用左日本手打稻庭烏冬，質感彈牙又滑，份量相當大碗～入面有黃菜絲，木耳絲，京蔥同海草做配料，湯底真係幾鮮甜，魚味好香濃又唔腥，飲咗好多湯都唔覺口渴，雖然其實飲多幾啖都覺得鹹左d，但相信真係冇加味精～而唐揚雞塊亦都有驚喜，即炸出黎熱辣辣，仲起碼有至少六七件，味道都好好食～總結：無論烏冬同雞塊都好足份量，出品有誠意，真心推介呢間小店！