唐記包點 (已結業)

同媽媽未諗到食咩野，經過物華街的唐記包點，便決定買回家，我仲回家拎兩個玻璃兜，為環保盡一分力。蒸飯凰爪排骨每日精選主角16元，就算原價都唔貴22元，大大碗，飯夠我同媽媽食飽飽，鳳爪及排骨都用心制作，另可加點甜甜的蒸飯豉油。蒸飯之外，再加三樣點心，夠豐富。誠意推薦牛肚，五香味好夠，牛肚爽口，仲有蘿蔔作配菜。乾蒸牛肉都好彈牙，仲有雞扎，有芋頭，豬肚，豬皮，雞件，雖不算是上等的材料，但味道不錯。我發現唐記還出了荷華田包，味道感覺有點像朱古力，流心效果也不錯。香芋包一直是我最愛的。