唐記包點 (港鐵青衣站)

營業中

休息中

一向都鍾意食糖記，價錢超抵，食物水準OK，可惜係用發泡膠盒，所以都盡量少食。今次叫咗客飯，係用膠盒嘅，好似好少少。今日食咖喱雞飯同埋豬軟骨飯。咖喱雞辣辣地，好惹味，雞肉都有好多件，絕對飽肚。豬軟骨客飯都好好味，大大件肉，啖啖肉，啱晒我。加咗兩蚊要一盒仔菜，真係超值！自己買都唔得啦。兩個人食加埋先$70，真係非常抵食！難怪成日都排好多人喺出面等攞食物，其實佢啲點心都好好食，又平又多選擇，下次會再叫其他食物。