Burger Mix (已結業)

為咗買六合彩所以經過此巷仔,以前曾幫襯過,覺得個包OK,所以就先來一個晚餐前奏,點知一去到就見間舖得2個伙記,不過無所謂,只諗住吃,但是我們在看吃甚麼的時候,完全無人理我們,(裏面完全無單),跟住一個伙計慢條斯理走出嚟,仲放咗好大聽的音樂,坐在收銀機位好唔耐煩咁,(好似話畀我們聽我們阻住佢係度嘆世界咁),跟住我都已經無晒癮想走(心諗之前啲員工好勤力架),但係我都忍咗,叫咗個芝士牛肉漢堡包,跟住嗰個收銀就走入廚房(但唔係整我個包),而係整自己杯飲品,最好笑係搞到一地都係,仲大大聲同同事講等某某返嚟先畀佢執手尾,我望住個廚房一大攤污漬(心諗唔係咩),跟住只見佢另一個同事整完我個包後,就順手用水喉沖地,見嗰個唔願做個位,將我個包包完就係咁伸出嚟,前前後後一句多謝都無,(心諗我欠你架,家下我係你老細喎,真係把已火)!一句講晒,唔想做就返屋企呢,簡直影響成間舖.而個包因為心情問題,食不知味,無第三次!