水井坊茶餐廳 (已結業)

西沙路一直嘅印象都係有好嘢食，不過交通都係一直最大嘅考慮，有啲餐廳位置係遠到唔係有朋友帶都根本唔會步入嘅地區。而水井坊係一個好好嘅例子，大路轉入小路都已經覺得行錯咗，點知間餐廳真係喺小路嘅深深處，只要沿途見到哥爾夫球場就啱咖啦。叫咗三寶下午茶餐，份量唔算好大，不過西多士同炸雞中翼真係好新鮮好香口，雞肉一啲都唔乾身，薯條更多就更好啦。另外加咗紅豆冰，真係物有所值，紅豆又多又有口感，而比例都唔會水多豆少，去到一定加啊！