阿鴻小吃 (已搬遷) 新店位置

見到啲評語唔錯，就決定去試下。因為兩個人去食，所以只係叫左個鵝肉拼腩肉同埋阿鴻炒飯。讚左先，員工服務態度的確唔錯，又主動加茶，哩個抵讚。阿鴻炒飯都炒得出色，炒得夠乾身但係佢地既招牌滷水，本人就真係覺得好一般，甚至街市滷水舖都好過佢。用料都唔洗評論，因爲都唔會係香港會揾到新鮮鵝食。佢既滷水雖然夠入味，但係死咸，又唔夠淳，食完離開之後，留係口既唔係滷水香，而係咸味，認真好麻麻，價錢亦都貴，可以有更好選擇。