影片
更多
2016-09-28
263 瀏覽
食完絕對係一肚氣 ，呢間野真係一試唔會再試，完全中哂伏！ 首先去到同個女接待職員講book左位，佢一開始已經西住面問我要邊爐定燒烤，咁因為我係屋企人幫手訂位咁我唔清楚邊樣，咪問佢其實係咪留左電話都查到，點知佢態度超惡劣咁答我有另外一個都姓「*」再問我究竟要邊爐定燒烤，我已經講埋電話號碼佢知，佢先走入counter再睇另一本訂位record既簿，仲要超級西面，最後我問到屋企人邊種佢先再帶我去個位度！呢度已經一肚氣，其實個陣已經好想走，但屋企人想試下呢個火鍋就試下 .........因為佢一樓先係餐廳，咁上到去坐低左一陣水都無杯，諗住睇下餐牌個啲點叫法點收費啦，點知連餐牌都唔見有，已經覺得奇怪。就問啲職員有無餐牌，佢先拎個餐牌黎，點知一睇，頂得野飲既！個陣仲以為佢俾漏左，跟住再問佢地有無餐牌，佢地先話無，跟著再問佢點叫野食，佢地先有人解釋呢度食法！ 原來係一開始食雞煲，食完雞煲啲雞之後會收走個煲，之後會再黎個龍蝦湯火鍋同一啲火鍋配料（姐係啲丸，牛肉，午餐肉個類），最尾食完先出個海鮮拼盆！我真係理解唔到點解唔一開始我地坐低就介紹個食法，而係要我地問幾次先有人答到我，去到呢度已經覺得啲服務超有
首先去到同個女接待職員講book左位，佢一開始已經西住面問我要邊爐定燒烤，咁因為我係屋企人幫手訂位咁我唔清楚邊樣，咪問佢其實係咪留左電話都查到，點知佢態度超惡劣咁答我有另外一個都姓「*」再問我究竟要邊爐定燒烤，我已經講埋電話號碼佢知，佢先走入counter再睇另一本訂位record既簿，仲要超級西面，最後我問到屋企人邊種佢先再帶我去個位度！呢度已經一肚氣，其實個陣已經好想走，但屋企人想試下呢個火鍋就試下 .........
因為佢一樓先係餐廳，咁上到去坐低左一陣水都無杯，諗住睇下餐牌個啲點叫法點收費啦，點知連餐牌都唔見有，已經覺得奇怪。就問啲職員有無餐牌，佢先拎個餐牌黎，點知一睇，頂得野飲既！個陣仲以為佢俾漏左，跟住再問佢地有無餐牌，佢地先話無，跟著再問佢點叫野食，佢地先有人解釋呢度食法！ 原來係一開始食雞煲，食完雞煲啲雞之後會收走個煲，之後會再黎個龍蝦湯火鍋同一啲火鍋配料（姐係啲丸，牛肉，午餐肉個類），最尾食完先出個海鮮拼盆！我真係理解唔到點解唔一開始我地坐低就介紹個食法，而係要我地問幾次先有人答到我，去到呢度已經覺得啲服務超有問題
任食野既都唔期望啲食物質素，但呢個食法既次序都好有問題，佢個poster好明顯係用任食海鮮火鍋黎吸引人，但一黎就俾人食左雞煲先，個雞煲仲要唔係留番係度俾人加水食埋啲配料而係再換一個火鍋，咁樣已經飽左啲，諗諗下咁食既話同我先叫隻雞做前菜無咩分別，第二輪就食埋啲普通又飽肚又唔特別既火鍋配料，等人地食到咁上下飽先黎佢地既重點，其實佢有某啲海鮮同其他普通火鍋配料係可以任食，但我諗唔明點解啲海鮮同配料唔可以係一齊黎，係咪驚我地啲食客係咁加叫海鮮？
另外最搞笑係野飲都係任飲，正常平時叫親啲罐裝野飲都唔會開埋蓋。但佢係你叫幾多，拎到你面前既時候就咁多罐都開哂蓋，任飲既野飲我理解到可能驚我地拎走，不過要加錢既啤酒你地30蚊3罐，你3罐都開哂蓋拎出黎，有無諗過我唔想開哂先？啲汽會走哂？仲要明知我地張枱得一個人飲，咁係咩意思？
問佢點解要咁做既時候，只係答公司規定左，仲話我地要求既話可以係我地面前開蓋😡 所以真係好谷氣
對 差啲忘記左仲有一樣野。就係醬料問題，因為佢燒烤同邊爐係分開2邊食，但有個類似自助醬料既位置就正正係我張枱前面，咁黎打邊爐見到有自助醬料吧走去自己裝豉油、辣椒、蒜是常識吧，點知裝完豉油就見到個西面女侍應走埋黎截住我話唔俾我裝，因為呢啲醬料只係提供俾燒烤既客戶，但佢呢度一啲指示都無，點會有人意識到，最好笑係，燒烤既客戶可以自己添，但打邊爐既客戶除左豉油之外，要其他醬料既話要加10蚊一碟？！ 一開始個西面女仲話豉油都要加錢，what? 打邊爐只要豉油都要加錢第一次聽，可能我見識小。跟住我屋企人再問另一個經理，先修正番 除左豉油，其他醬料要10蚊。
呢間野綜合黎講劣同極差都覺得好唔夠形容，啲職員啲態度仲要咁西，啲野要催幾次先有人理，野食又唔係好食。要我俾成300蚊食呢一餐仲要受到呢啲代遇我真係覺得好唔合理😡
如果呢間野做免費生意我都唔會再去食😡
張貼