雪ノ下 (已結業)

同 c 睇完戲揾野食，因為喺戲院已經食左隻熱狗，所以最後決定食個甜品算。我哋最後去咗間c想試嘅 pancake。今次真係好好彩，去到唔洗等位，坐低無耐出面又開始排長龍，lucky! 因為無正式食個晚飯嘅關係，我哋叫左一個綠茶刨冰，一個原味 pancake 。佢個刨冰做得好好，所有冰粒都有綠茶醬，個味好濃，但係又唔會好澀。再加少少紅豆蓉就會多一分甜味，多一個層次。最中間嘅冰係白色嘅，有牛奶味。整個配搭都做得好好。個Pancake 其實一啲都唔似 pancake 。 其實可以話佢係一個蛋糕。但係咩都好，佢最出色嘅地方係佢個蛋味真係好濃，好香。你可以加少少蜜糖等佢有少少甜味，不過唔好加太多，因為會蓋過左個蛋香味。口感方面，佢真係似蛋糕多過 pancake 。好彩我哋兩個人 Share, 因為佢都幾厚身，幾飽肚。