棋子燒鵝 (金馬倫道)

營業中

休息中

喺尖沙咀行街行到攰就搵咗間專食燒鵝嘅餐廳去坐下同食飯 叫咗一個二人餐 份量好足夠棋子燒鵝例牌 燒鵝肉嫩 味道剛好唔會過鹹 都食得出有種荔枝木嘅香 送到上嚟暖暖地 配白飯 瀨粉一流 不過其實二人餐煮食除咗可以揀白飯同瀨粉 仲有米粉同河粉可以選擇另一個單拼燒味例牌 我哋揀咗燒腩仔 燒腩仔上到嚟嘅時候見到一層層 食落去帶鹹香味肉質爽彈 配埋脆卜卜嘅燒肉皮 再點少少黃芥辣 冇得彈油菜就係蠔油菜心 如果佢可以淋少少燒鵝汁就好啦 哈哈之後飲品可以揀冷熱飲品或者老火靚湯 當日例湯係雞腳花生湯都唔錯