美味佳 (已結業)

未食過美味佳之前，我都冇聽過佢個名。係我朋友話俾我聽呢個地方好抵食、好平。所以就專登開車過嚟試試！停好車之後，發現原來呢條街都有幾間都係賣串燒嘅。不過有啲好似日本屋台咁賣嘅係日本串燒。美味佳個門口就係咁，見到廚房有成堆串燒排排企！望下個點餐紙，真係選擇多。現時階段唔方便唔可以上深圳食擼串，所以就平平地喺香港食。招牌燒雞翼我最愛嘅燒韭菜雞腎、雞軟骨、牛脷、豬腩肉肥牛韭菜卷燒茄子燒京葱燒燒賣，隔離嗰串我都唔記得咗係咩，可能係燒豬頸肉蛋炒腸粉最後係燒墨魚丸同埋司華力腸總結：可能因為價錢平呀，選擇又多，好自然就叫多咗好多嘢。好彩身邊個朋友好食得，先至可以會完成晒，食晒所有嘢。我覺得最唔好食嘅呢就係燒豬腩肉，因為燒完出嚟就好似食緊臘味咁。所以大家可以跳過唔使嗌呢樣！