影片
更多
2024-06-29
1175 瀏覽
今日（29-6-2024 Sat）喺屋企整完嘢，落荃灣買啲菜，經過民豐（https://www.openrice.com/zh/hongkong/r-%E6%B0%91%E8%B1%90%E7%B2%89%E9%BA%B5%E8%A1%8C-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r16540）時都見到有人排隊買糯米糍，不過條龍已經唔係好長，但我覺得都要排半個鐘，而老公今朝又send咗條link畀我，話呢間嘢都有開心果榛子糯米糍賣，而且係$12.00一個，$38.00四個，於是我就決定試咗呢間先。嚟到時好快搵到， 食開民豐嘅都知佢嘅糯米糍大大個（ 但其實近年都已經縮咗水），而呢間就明顯好細個，不過算啦，都行到嚟喇，人哋係商場舖有冷氣 ，貴啲都啱嘅 ，而佢同價錢嘅有四隻味，係榛子脆脆，開心果同草莓脆脆；平啲$7.00一個，$26.00四個嘅有紅豆，花生同黑芝麻；芒果糯米糍就$8.00一個，$30.00四個。咁我用$38.00買兩個開心果，榛子脆脆同草莓脆脆各一個啦。買完收銀提示
嚟到時好快搵到， 食開民豐嘅都知佢嘅糯米糍大大個（ 但其實近年都已經縮咗水），而呢間就明顯好細個，不過算啦，都行到嚟喇，人哋係商場舖有冷氣 ，貴啲都啱嘅 ，而佢同價錢嘅有四隻味，係榛子脆脆，開心果同草莓脆脆；平啲$7.00一個，$26.00四個嘅有紅豆，花生同黑芝麻；芒果糯米糍就$8.00一個，$30.00四個。
咁我用$38.00買兩個開心果，榛子脆脆同草莓脆脆各一個啦。
買完收銀提示拎到返去要雪住。
返到去影完相，
先唔雪住， 以免影響口感就先食兩個，先食開心果同榛子脆脆，
打開度，
有2.5厘米到高，直徑5.5厘米，切開時都feel到兩個都係脆嘅，見到糯米糍皮係好薄，細粒嘅餡料好飽滿。
我先食開心果，呢個味道好濃郁，亦都好脆口，甜度都啱啱好，但由於軟熟嘅糯米皮太薄，所以其實我都覺得冇乜糯米糍feel。
榛子脆脆呢，固然之佢都係脆，而榛子味都係好濃郁，亦唔算好甜，係有啲甘味，幾好味。
過咗一段時間先至再食埋另外雪咗嗰兩個開心果同草莓脆脆，
切開睇到，草莓有啲粒粒，
應該就係脆脆嘅來源，我覺得呢個味道都係正常嘅，口感亦都一樣，竟然雪過個糯米皮都冇受影響。
覺得呢度嘅味道係唔錯，不過草莓咁普通就可以唔使試，但係就真係冇乜食糯米糍嘅感覺， 或者個糯米皮要做返厚啲（？）
味道係4.5分， 環境同服務係3.5分， 抵食係2.8分
張貼
