元気寿司 (秀茂坪商場)

營業中

休息中

一早一家人食早，三隻馬騮又係壽司，最近去呢間！去到仲有10分鐘先開門！先去附近商場逛下，睇住開電閘，裝修一貫元氣，黃色加淺木，光猛乾淨！店員安排我哋坐迴轉卡位，又舒服又好可以滿足小朋友在迴轉帶攞壽司！因為剛剛開，迴轉帶嘅壽司仲好新鮮！食完一轉先落單點想食嘅！！芝麻八爪魚：份量多，八爪魚大細不一，醬汁唔糊！彈牙好味！甜蛋壽司：蛋大塊，微甜！八爪魚壽司：媽咪至愛，八爪魚淋身唔韌！ 加州小卷：牛油果軟熟，蟹籽卜卜脆，一啖一個！啲餡唔會跌晒出來！好味！ 炙燒黑椒蠔：蠔雖然唔大隻，不過幾鮮甜，一啲都唔腥！無乜黑椒味！軟殻蟹卷：軟殻蟹香脆，沙律醬太多，中芝士幾香！蟹籽卜卜脆！ 炸蝦卷：炸蝦外脆內軟，加上比飯包圍，唔會好油！正！ 螺片壽司：螺片爽脆，有咬口！最喜歡！ 蟹柳壽司：蟹柳鬆軟！唔會太鹹！ 北寄貝壽司：北寄貝彈牙，幾大塊！ 日式燉蛋：燉蛋滑！夠熱！材料多！味道略淡！無乜蛋味！ 飛魚子軍艦：飛魚子份量多，卜卜脆，紫菜爽脆！ 海膽軍艦：只有一件，海膽新鮮甘香！紫菜爽脆！好味！ 三文魚壽司：三文魚又薄又瘦！ 湯烏冬：烏冬彈牙！湯清甜！ 溫泉玉子：自己開，玉子滑溜，蛋味濃！豉油微鹹！店員有禮！不過細